Å arrangere landskappleik er eit stort dugnadsprosjekt og ei kjempeutfordring for alle arrangørlag, men det er også ei svært hyggeleg oppleving å vere med i ein stor dugnadsgjeng og gjennomføre eit arrangement som dette. Dette er viktig praktisk kulturarbeid fordi slike arrangement gjev gode kulturopplevingar og gjev viktige inspirasjon for vidare arbeid med dans og musikk. Og om vi lykkast med å skape eit overskot skal du vite at verdien av arbeidet ditt fullt og heilt vert brukt til viktig kulturarbeid vidare.

Vi treng flest dugnadsfolk under sjølve kappleiken, og dei siste dagane før det brakar laust. Men, mykje godt arbeid skal gjerast lenge før kappleiken startar, så har du ledig kapasitet og vil gjere ein innsats så skal vi finne arbeidsoppgåver til deg.

Døme på arbeidsoppgåver:

• Billettsal og billettkontroll.
• Vakter ved dører og sperringar, ved mattelt, konsertar, tevlingar og danseplassar.
• Rigging av telt, scener, danseplatting og all slags utstyr.
• Reinhald og rydding.
• Parkering og trafikkregulering.
• Vakter ved skuleovernattingar.
• Transportoppgåver.
• Sal og servering, grill og ymse arbeid med mat.
• Kappleikskontor / administrasjon
• Gjennomføring av tevlingar og arrangement.
• og mykje meir.

Velkomen som medarbeidar