Kongepokalen vart delt ut under meisterkonserten på Landskappleiken i Vågå sundag. Dette er første gongen Alexander vinn klassa Spel hardingfele A på Landskappleiken. I finalen kniva han med to andre finalistar Ottar Kåsa og Per Anders Buen Garnås. Ottar Kåsa kom på andreplass, med Per Anders Buen Garnås på tredjeplass.

Sist kongepokalen vart delt ut i hardingfele A var på Landskappleiken i Seljord i 2011. Då vann Ottar Kåsa.

Tidlegare vinnarar av kongepokalen i spel hardingfele er Jan Beitohaugen Granli (2004), Alf Tveit (1998), Hallvard T. Bjørgum (1988) og Knut Hamre (1981).

Alexander_Aga_Røynstrand-Kongepokalvinner_FotoKnutUtler.jpg
Ottar Kåsa (andreplass) og Alexander Aga Røynstrand (førsteplass) i Spel Hardingfele klasse A
Foto: Knut Utler