Klasseromsovernatting - vi har rikeleg med plassar!
Klasseromsovernatting er planlagd på Voss Gymnas og i Voss kulturhus. Her vert det rikeleg med plassar. Vi opnar for bestilling hausten 2026. 

Fleischers hotell vert kappleikshotell. Dei har også eit motell nær campingen vår. Me har fått avtaleprisar med hotellet (ref. nr. 2425240), og dei tilbyr enkel frukostbuffet som alle kan bestilla sjølv om dei ikkje bur på hotellet (meir info kjem).

Voss Vandrarheim tilbyr pakkeprisar for dei som bestiller seinast i løpet av august 2026, minimum 3 netter og 3 personar per rom.

Voss camping ligg nærast hovudarenaen vår i Voss idrottshall. Dei opnar for bestilling 1. oktober 2026 for 2027-sesongen.

Flatlandsmo Camping og Saue camping ligg litt utanfor sentrum, men har fine plasseringar nært badevatn.

Vidare så er det fleire hotell i sentrum som Park hotell Vossevangen og Scandic Voss. Bygda har mykje hytter og leilegheiter til utleige, så her skal det vera noko for ein kvar smak. Sjå gjerne her for meir info: Overnatting på Voss | Visit Voss

Innkvartering og overnatting
Torbjørn Tveit Bakketun
📞 982 10 130
✉️ torbjorn@landskappleiken.no

Hovudnemnda for Landskappleiken 2027
Hovudnemnda har ansvar for planlegging og gjennomføring av Landskappleiken 2027 på Voss. 

Leiar for hovudnemnda
Margunn Nordgård
📞 957 34 989
✉️ margunn@landskappleiken.no

Nestleiar
Frode Borge
📞 404 55 353
✉️ frode@landskappleiken.no

Økonomi
- Kjersti Nordgård
📞 901 19 640
✉️ kjersti@landskappleiken.no

- Bente Tveit Bakketun
✉️ bente@landskappleiken.no

Tevling
- Ragnhild Blikberg
📞 942 88 589
✉️ ragnhild@landskappleiken.no

- Arnhild Vethe
📞 909 89 336
✉️ arnhild@landskappleiken.no

Kultur
Arne Anderdal
📞 901 65 283
✉️ arne_anderdal@landskappleiken.no

Stemnekontor og sekretariat
Siri Nordgård
📞 902 78 724
✉️ siri_n@landskappleiken.no

Innkvartering og overnatting
Torbjørn Tveit Bakketun
📞 982 10 130
✉️ torbjorn@landskappleiken.no

Informasjon og marknadsføring
Thea Tveit Bakketun
✉️ thea@landskappleiken.no

Dugnad og frivillige
Jori Gjelland Lid
📞 954 59 038
✉️ jori@landskappleiken.no

Teknisk, HMS og arena
Lars Istad
📞 412 06 142
✉️ lars@landskappleiken.no

Mat og drikke
Guro Sofie Gjelland
📞 476 13 353
✉️ guro@landskappleiken.no
 

Generelle spørsmål om Landskappleiken 2027?
Ta kontakt med leiar Margunn Nordgård på 📞 957 34 989 eller ✉️ margunn@landskappleiken.no.

Delt ut på Meisterkonserten

FolkOrg har sidan 2017 delt ut Gnist-prisen til lag eller prosjekt som jobbar særskild godt med opplæring i folkedans for barn og unge. Gnist-prisen delast ut på Landskappleiken, og vart i år delt ut i samband med Meisterkonserten i ein fullsett arena på Hovden. Det var Tone Todok, Inga Marie Hanserud, Maria Vaaje og Ingrid Skrindo som tok i mot prisen.

Her er juryen si grunngjeving for prisvinnarane i 2026:

Årets vinnar av Gnist-prisen har utmerkt seg gjennom eit tydeleg og målretta arbeid for å skape ein inkluderande arena for folkedans for ungdom og unge vaksne. Laget har lukkast i å senke terskelen for deltaking, og tek imot nye dansarar på ein open, trygg og pedagogisk måte – også for dei som ikkje har bakgrunn frå folkedans frå før. Samstundes har laget dei siste åra utvikla seg til å bli ein merkbart større og viktigare folkedansaktør i Oslo-miljøet.

Gjennom jamlege øvingar, kurs og sosiale aktivitetar har vinnaren etablert eit levande og attraktivt tilbod der deltakarane både får fagleg utvikling og eit sterkt sosialt fellesskap. Arbeidet er i stor grad drive av studentar sjølve, noko som bidreg til eigarskap, engasjement og rekruttering vidare inn i miljøet.

Årets vinnar viser ein tydeleg «alle skal med»-tankegang, der deltakarane sjølve får vere med å forme aktivitetane, og der inkludering, meistring og danseglede står sentralt. Gjennom sitt arbeid har laget bidrege til å nå ut til nye grupper og styrke rekrutteringa til folkedansen blant unge vaksne.

Årets vinnar av Gnist-prisen har dermed skapt eit viktig, inkluderande og berekraftig miljø for folkedans i ein livsfase der mange fell frå – og framstår som ein inspirerande modell for vidare arbeid i heile landet.

Årets vinnar av Gnist-prisen 2026 er Leikarringen Frøy!

Prisen er gjeven av Gnistfonden for Unge

Det er Gnistfonden for Unge som gjev prisen. Eva Fischer fortel om bakgrunnen for opprettinga av prisen:

“ Min erfaring er at folkedansmiljøet er et godt miljø for barn og unge, og vi har derfor lyst å støtte opp om det. Dette ved å gi penger til lag som jobber med både nivå og læringsmiljø i laget sitt. Lagene er en arena der en får opplæring, utvikler seg sammen, og der en kan føle seg hjemme. Det er viktig at barn og unge som driver med folkedans har et lag der alle har en plass, uansett ferdigheter og ambisjonsnivå.

Ungdommer er en sårbar aldersgruppe, og det er viktig at lagene jobber slik at de tar vare på dem. Ungdommene er også forbilder for nye dansere, og derfor viktige i rekrutteringsarbeidet. Det er motiverende at flere driver med samme hobbyen på en plass, og at man har et lag som er kjekt å være med i.”

Gnistfonden for Unge er oppretta av Eva, Nikolaj og Silje Fischer. Fondet er på DKK 4 millionar og skal delast ut i løpet av dei neste 10 åra. Fondet har som formål å hjelpe unge med utfordringar gjennom inkludering i dansk og/eller norsk kultur, og er ikkje avgrensa til å berre gjelde dans, song og kunst.

Fondet skal mellom anna støtte prosjekt med fokus på integrering av unge flyktningar og støtte ulike prosjekt, organisasjonar o.l. som har som formål å hjelpe unge med ulike, fysiske og/eller psykiske utfordringar. Fondet har eit vidare fokus på internasjonale prosjekt, der unge kan bli kjent med kvarandre på tvers av landegrenser og ulike kulturar.

Her kan du sjå andre vinnarar av prisen (lenkje).

Foto: Hans Jørgen Hjemdal/FolkOrg

Eit av dei store høgdepunkta under årets Landskappleik var finalen om kven som skulle vinne årets Kongepokal. Det er rullering kvart år på kva klasse innan A-klassene og seniorklassene for solistar innan spel og vokal og for danseklassane halling og par-dans. I år var turen komen til klassa for Dans fele A. 

Dei tre beste dansepara i klassa kom til finalen som var laurdag kveld. Dei dansa kvar sin dans framfor ein fullsett hall og ikkje minst dei tre dommarane som studerte kvart einaste steg dei tok. Det vart ei veldig fin finale og spenninga var stor på meisterkonserten sundag før avsløringa skulle komme. Til slutt vart det klart, dommarane hadde bestemt seg for at kongepokalvinnarar for 2026 er Solveig Brekke Hauknes og Ole Nilssen

Resultatet etter finala ser slik ut: 

1. Solveig Brekke Hauknes og Ole Nilssen, som representerte #Hedmark. Dei dansa Pols frå Østerdalen 
2. Tone Ingvaldsen og Snorre Kristiansen, som representerte FolkOrg og Bulder og Brak. Dei dansa Nordlandspols 
3. Anne Nilssen Grytting og Stig Nilssen, som representerte #Hedmark. Dei dansa Pols frå Østerdalen

Dommarane i Dans fele var Linda Loktu, Øyvind Sandum og Veslemøy Nordset. 

Foto: Hans Hjemdal

Foto: Thor Hauknes

Ikkje alle bileta er ferdige frå fotograf og det kjem difor fleire bilete på nett utover. 

Alle som er avbilda på bileta kan dele desse, til dømes i sosiale medier - MEN vi ber dykk om å kreditere den fotografen som har teke biletet, det er berre rett og rimeleg. Alle bileta er namna tydeleg med fotograf. 

Her kan du klikke deg inn for å sjå alle dei fine bileta.

Finalistar i Dans fele A
Foto: Hans Jørgen Hjemdal

Finalistar i Vokal A
Foto: Hans Jørgen Hjemdal

Finalistar i Halling A
Foto: Hans Jørgen Hjemdal

Alle resultat er no offentlege
Klikk her for å komme rett til resultatoversikta for Landskappleiken 2026

Dans fele A - resultat etter finala: 
1. Solveig Brekke Hauknes og Ole Nilssen - #Hedmark
2. Tone Ingvaldsen og Snorre Kristiansen - FolkOrg og Bulder og Brak
3. Anne Nilssen Grytting og Stig Nilssen - #Hedmark

Vokal A - resultat etter finala: 
1. Silje Risdal Liahagen - Ål spel- og dansarlag
2. Synnøve Brøndbo Plassen - Hedmark Folkemusikklag
3. Lars Fivelstad Smaaberg - Gol spel- og dansarlag

Halling A - resultat etter finala: 
1. Ådne Geicke Kolbjørnshus - Vestre Slidre Folkemusikk og Danselag
2. Håkon Aasen - Øystre slidre spel og dansarleg
3. Torjus Westeng Bakken - Gransherad spelog dansarlag
 

Legg nettsida til på heimskjermen – slik gjer du det

iPhone (Safari)

1. Opne nettsida i Safari.
2. Trykk på Del-knappen (firkant med pil opp).
3. Bla ned og vel «Legg til på Hjem-skjerm».
4. Gje snarvegen eit namn dersom du ønskjer det.
5. Trykk «Legg til».
6. Nettsida vil no ligge som eit ikon på heimskjermen.

Android (Chrome)

1. Opne nettsida i Google Chrome.
2. Trykk på dei tre prikkane øvst til høgre.
3. Vel «Legg til på startskjermen» eller «Installer app» (ordlyden varierer mellom telefonar og nettsider).
4. Stadfest ved å trykkje «Legg til» eller «Installer».
5. Nettsida vil no ligge som eit ikon på startskjermen.

Visning frå ein Iphone

Du kan legge til fleire ikon om du vil, her ser du eit ikon for framsida og eit ikon som peikar rett mot programsida. 

Utdeling av Sparebanken Norge sitt folkemusikkstipend v/Eva Haugland Åsland. 

Fredag 26. juni 
kl 20.00
Hovudscena

Dette er eit stipend som vart oppretta av Sparebanken Sør for 3 år sidan slik at dette er det tredje året stipendet vert utdelt.   

Stipendet er på kr. 50 000 og kan delast ut til unge og ative folkedansarar og folkemusikkarar mellom 18 og 30 år i Agder og Telemark.  

Tidlegare mottakarar av stipendet er: 
2025: Birgit Haukås
2024: Maria Vaaje

Det blir spennande å høyre kven som får stipendet i 2026! Stipendet vert delt ut i starten av premieutdelinga fredag kveld kl 20.00. 

Her kan du lese meir om stipendet

Det vert delt ut ny vandrepremie under Landskappleiken 2026 på Hovden. Dette er to flotte måleri som er sponsa av Hovden Kunsthandel og utforma av kunstnaren Mona Ida Håvorstad Frøysnes frå Bygland.

Mona Ida er biletkunstnar, tekstforfattar og musikar, og har gjennom mange år markert seg som ein allsidig og skapande kunstnar med sterk tilknyting til Setesdal. Ho vaks opp i Åseral og har seinare bygd opp sitt eige kunstnarlege virke gjennom studiar, kurs og mange års erfaring innan ulike uttrykksformer.

Som kunstnar omtalar ho seg sjølv som autodidakt, men har gjennom åra henta inspirasjon og kunnskap frå fleire etablerte kunstnarar og fagmiljø. Ho arbeider innan fleire teknikkar, mellom anna måleri, grafikk, litografi og tresnitt, og har utvikla eit uttrykk med røter i natur, kultur og menneskelege møte. Mona Ida var i årekke tilknytta Kristiansand studieteater og Myhren gård.

Det er difor ei stor glede at nettopp Mona Ida Håvorstad Frøysnes står bak dei nye vandrepremiane til Landskappleiken, premiar som både skal heidre framifrå prestasjonar og samstundes bere med seg eit kunstnarleg uttrykk med lokal forankring.

Setesdal Spelemannslag/Landskappleiken rettar ei varm takk til Hovden Kunsthandel for gåva og støtta til arrangementet.

Her kan du lese meir om kunstnaren www.monaida.no

Her kan du lese meir om Hovden Kunsthandel

“Klabbete ski” 

“Etter mykje om og men”