Torsdag kl. 17.00 – 18.00
Hovdestøylen hotell
Løynde slåttar – cd-utgiving
Med Endre Stulien Robstad, Vidar Lande mfl.
Mellom aust og vest. Folkemusikk i Evje og Hornnes – bok
Av Vidar Lande
Cd-utgivinga er eit uttrykk for læring, fordjuping og vidareføring av tradisjon – eit møte mellom ung spelmannsglede og levande musikkarv. Med dette markerer Endre Stulien Robstad og Vidar Lande seg som viktige tradisjonsberarar som tek vare på og fører musikken vidare.
Otradalføret frå Hovden til Kristiansand og Råbyggelaget frå Aust-Agder til Åseral kryssar kvarandre i Evje og Hornnes. I dette geografiske møtepunktet ber folkemusikken preg av impulsar frå fleire område.
Cd-en presenterer eit breitt bilete av folkemusikken i Evje og Hornnes – både geografisk og historisk – gjennom sentrale feleslåttar, stev og slåttetrallar. Det er også innslag av nyskaping og samspel, men hardingfela står i sentrum.
Hovudutøvar er 16 år gamle Endre Stulien Robstad.
Produksjonen er eit samarbeid mellom Endre Stulien Robstad, Inger Lise Stulien Robstad og Vidar Lande.
Vidar Lande (f. 1949) er folkemusikar frå indre Agder. Han har mellom anna vore professor i tradisjonskunst ved masterstudiet på Rauland. Lande har motteke fleire prisar og er heidersmedlem i Setesdal spelemannslag, FolkOrg og Hardanger Fiddle Association of America.
