Spennande finalespel
I år var det sett opp kongepokal i klassane Halling A og i Eldre folkemusikkinstrument senior. Tre finalistar vart valt ut etter innleiande tevlingar, og laurdag kveld møttest tre finalistar frå kvar klasse til finalespel i ein fullsett idrettshall i Utgard i Lom.
Finalistane i Halling A:
Ola Narverud (1.plass)
Ådne Geicke Kolbjørnshus (2. plass)
Bjørnar Blaavarp Heimdal (3. plass)
Finalistane i Eldre folkemusikkinstrument senior:
Tom Willy Rustad (1. plass)
Bendik Smedåsgjelten Qvam (2. plass)
Thov Wetterhus (3. plass)
Ola Narverud og Tom Willy Rustad gjekk av med sigeren i kvar si klasse, og vann med det kvar sin kongepokal!
Ola Narverud representerer Småjondølenes dansarlag og det er fyrste gong han vinn klassa Halling A.
Tom Willy Rustad deltok i år med instrumentet cittern, og har tidlegare vunne fleire av klassane som høyrer inn under «paraplyen» Eldre folkemusikkinstrument senior, klassa Andre eldre folkemusikkinstrument i 2016 (cittern), 2014 (cittern) og i 2013 i klassa for fløyte senior.
To kongepokalar
FolkOrg- organisasjon for folkemusikk og folkedans søkjer årleg om kongepokal til Landskappleiken. Det vert normalt søkt om kongepokal i in klasse per år, men grunna pandemien har det blitt delt ut to kongepokalar under Landskappleiken både i 2022 og 2023.
Tidlegare vinnarar
Sist gong kongepokalen vart delt ut i Halling var i på Landskappleiken i 2015 då Hallgrim Hansegård vann klassa. Tidlegare vinnarar av kongepokal i Halling er Eivind Bakken (2007), Jon Ellingsen (2000), Bjørn Strand (1993) og Reidar Meinstad (1984). I klassa for Eldre folkemusikkinstrument har det blitt delt ut kongepokal tre gonger tidlegare. Sist gong var på Landskappleiken på Geilo i 2014 då Ole Aastad Bråten vann klassa med langeleikspel. Tidlegare vinnarar av kongepokal i klassa for Eldre folkemusikkinstrument er Anders Røine (1997, munnharpe) og Gunvor Hegge (1990, langeleik).
RESULTAT
https://www.landskappleiken.no/resultat-2023.6610163-573724.html
INSTAGRAM OG SNAPCHAT
I tillegg til facebook-kontoen www.facebook.com/landskappleiken har vi instagramkontoen @landskappleiken og nytta snapchatkontoen «folkemusikk norge» under arrangementet.